facebook

 

 twitter

 

 youtube

 

 linkedin

   
Martes, 17-Setembro-2019
Español (spanish formal Internacional)Galician (Galego)English (United Kingdom)
Mapa web
A Autoridade Portuaria aproba cambios na composición do Consello de Navegación e Porto
Venres, 24 Febreiro 2012 00:00
AddThis Social Bookmark Button
O Consello de Administración da Autoridade Portuaria aprobou na súa sesión do 23 de febreiro, a proposta da súa presidenta, Sagrario Franco Malvar, a modificación das normas de funcionamento e composición do Consello de Navegación e Porto e do Comité de Servizos Portuarios, a fin de dotar a estes órganos de asistencia e información da Capitanía Marítima e da presidencia da Autoridade Portuaria de maior operatividade e representatividade.

O Consello de Navegación e Porto é un órgano no que están representadas persoas físicas ou xurídicas cun interese directo e relevante no bo funcionamento do porto e do comercio marítimo, ou que poidan contribuír ao mesmo de forma eficaz. A través desta canle, empresas, institucións ou organismos poden manifestar o seu parecer sobre cuestións relativas ao bo funcionamento do Porto de Vilagarcía de Arousa. A periodicidade das súas reunións establécese en polo menos unha ao ano.
Ler máis...
 
O Porto pechou a ano 2011 cun incremento de tráficos do 11%
Luns, 13 Febreiro 2012 00:00
AddThis Social Bookmark Button

A Autoridade Portuaria de Vilagarcía pechou o ano 2011 cun incremento dos tráficos do 11,3%, con respecto ao ano anterior. O maior aumento porcentual rexistrouse na categoría de mercancía xeral, onde se duplicaron os tráficos do ano anterior (271.763 toneladas en 2011, fronte a 130.915 toneladas en 2010) debido fundamentalmente á reactivación do tráfico de contedores e ao bo comportamento da maior parte das restantes mercancías, particularmente o do aluminio. Tamén os graneis líquidos terminaron o ano en positivo: as 200.103 toneladas movidas o pasado ano, fronte ás 188.656 de 2010, supón un incremento porcentual do 6%. Só na categoría de graneis sólidos non se conseguiu superar o rexistro de 2010, fundamentalmente polos descensos nos apartados de cereais e cemento, co que o total de toneladas movidas a final de ano foi de 339.355 toneladas (un 17% menos que en 2010). O incremento porcentual de tráficos durante 2011 foi dos maiores do sistema portuario estatal, situándose Vilagarcía entre os dez portos con maiores subidas, en cifras relativas.




Por mercancías, o mellor comportamento correspondeu aos contedores, unha vez que no mes de agosto recuperouse o servizo regular nas instalacións do peirao de Ferrazo. Ao longo de 2011 movéronse 12.228 TEUs, sendo o total de toneladas de 106.335. O taboleiro mantívose nas mesmas cifras de 2010, mentres que o aluminio e a pasta de papel rexistraron tamén importantes aumentos (no primeiro caso, pasouse de 16.722 a 53.440 toneladas anuais, e no segundo, de 2.000 a 10.224 toneladas).

Na categoría de graneis líquidos, as cifras do metanol, cunha subida porcentual do 50% (112.580 toneladas fronte ás 74.813 de 2010) foron decisivas para que o cómputo global de tráficos ofrecese un resultado positivo. Finalmente, nos graneis sólidos destaca o incremento da urea, cunha subida do 11% a peche do exercicio.

As cifras evidencian que, en 2011, a Autoridade Portuaria de Vilagarcía reforzou a súa diversificación no tipo de mercancías que entran e saen do Porto. Unha de cada tres toneladas que se moveu durante o pasado ano a través do Porto foi de mercancía xeral, a que achega maior valor engadido. Os graneis sólidos representan o 42% do total de tráficos do porto, e os graneis líquidos, o 25%.

A presidenta da Autoridade Portuaria de Vilagarcía, Sagrario Franco, sinalou que o resultado do ano é "un estímulo para seguir traballando a fin de que as instalacións e servizos do porto de Vilagarcía sexan cada vez máis atractivos para os operadores portuarios e as empresas da nosa zona de influencia".

Ler máis...
 
Concello e Porto manterán reunións periódicas para consensuar a súa acción a prol da cidade
Venres, 10 Febreiro 2012 00:00
AddThis Social Bookmark Button

visitaFolefebrero2012A presidenta da Autoridade Portuaria, Sagrario Franco, e o alcalde, Tomás Fole, mantiveron o venres, día 10 de febreiro, unha reunión na que, ao longo de dúas horas, compartiron información sobre os principais proxectos que afectan a ambas as institucións. Este será o primeiro dunha serie de encontros periódicos, que poderán ter carácter tanto político como técnico, e cuxo obxectivo será consensuar a acción que Porto e Concello realizan en favor da cidade.


Neste sentido enmárcase a colaboración de ambas as institucións nunha mellor ordenación das zonas de aparcamento, especialmente entre a zona Tir e a praia da Concha. A Autoridade Portuaria xa ten practicamente asegurada a retirada dos camións nesa zona, de tal forma que esta quedaría exclusivamente para turismos. De igual xeito, Concello e Porto estudan a posible utilización como aparcamento da parcela contigua á pasarela peonil que une O Ramal co paseo marítimo, xunto ao edificio da antiga Xunta do Porto.

Tendo en conta as características destas zonas -de titularidade portuaria, pero de uso público e integrados na cidade-, tanto Sagrario Franco como Tomás Fole estiveron de acordo en establecer un marco claro de actuación en materia de tráfico, para que queden perfectamente definidas as competencias da policía local e da policía portuaria, tanto en cuestións de ordenación como de sanción, de ser o caso.

O desenvolvemento das obras de extensión da ferrocarril aos peiraos da zona sur do Porto -cuxa adxudicación producirase proximamente- ou as posibilidades de colaboración en materia de promoción turística foron outros dos asuntos abordados neste encontro.

Ler máis...
 


Páxina 73 de 75

Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies Puede obtener más información, o bien conocer cómo cambiar la configuración, en nuestra política de privacidad.

Acepto las cookies.