facebook

 

 twitter

 

 youtube

 

 linkedin

   
Mércores, 17-Xullo-2019
Español (spanish formal Internacional)Galician (Galego)English (United Kingdom)
Mapa web
A Autoridade Portuaria posiciónase nas redes sociais co twitter e o facebook "Porto Vilagarcía"
Venres, 25 Xaneiro 2013 14:39
AddThis Social Bookmark Button

vista_aereaA Autoridade Portuaria puxo en marcha recientemente a súa páxina de facebook e a súa conta de twitter, a través das cales informará das noticias do porto, os seus proxectos e as súas actuacións, así como doutros asuntos de actualidade de interese para o sector portuario.

Deste xeito, a Autoridade Portuaria amplía as plataformas que utiliza para a comunicación coa cidadanía de Vilagarcía e a comarca, e coas empresas e actores económicos da nosa contorna, así como con profesionais do ámbito portuario de calquera punto, interesados no porto de Vilagarcía. O acceso a estas dúas plataformas pode realizarse fácilmente a través desta páxina web, nos enlaces do ángulo superior dereito.

 

A esta incorporación a dúas das redes sociais con máis implantación neste momento hai que sumar a canle da Autoridade Portuaria no portal de videos youtube, que se abriu a pasada primavera, con motivo do lanzamento do video corporativo do Porto. Deste xeito, o de Vilagarcía é o primeiro porto galego de interese xeral do Estado que ten presenza nas tres principais redes sociais.

 

A presidenta da Autoridade Portuaria de Vilagarcía, Sagrario Franco, informou na sesión do consello de administración celebrada o 24 de xaneiro aos membros do Consello sobre a entrada en funcionamento do twitter e o facebook do porto arousano, indicando que “abrirse a estas novas canles de comunicación é importante para informar dos nosos plans e actuacións e tamén para recibir información do público en xeral, que deste xeito pode fácilmente suscitarnos suxestións e propostas, ou simplemente facernos chegar a súa opinión”.

 

Por outra banda, na mesma sesión tomou posesión como membro do Consello de Administración do porto o concelleiro da Corporación municipal Jesús Longa, en sustitución de María Villaronga Chazo. Ademais, acordouse o nomeamento de Alfonso González Gallego, responsable do departamento comercial da Autoridade Portuaria, como representante deste organismo na Sociedade Anónima de Xestión de Estibadores Portuarios (SAGEP).

 

Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies Puede obtener más información, o bien conocer cómo cambiar la configuración, en nuestra política de privacidad.

Acepto las cookies.