facebook

 

 twitter

 

 youtube

 

 linkedin

   
Venres, 22-Novembro-2019
Español (spanish formal Internacional)Galician (Galego)English (United Kingdom)
Mapa web
A Autoridad Portuaria aposta polo turismo náutico coa posta en servizo de novas instalacións
Mércores, 01 Agosto 2018 18:08
AddThis Social Bookmark Button

muellepantaln1A Autoridade Portuaria de Vilagarcía, na súa aposta por unha xestión do dominio público portuario que maximice as posibilidades do seu aproveitamento desde unha perspectiva que prioriza a eficiencia e a sustentabilidade, vénse de dotar de instalacións específicas para o turismo náutico.

A Autoridade Portuaria de Vilagarcía destina a este fin o peirao-pantalán da dársena 2, que xa entrou en servizo. A dispoñibilidade dunha infraestrutura especialmente deseñada para este tipo de embarcacións facilita a operativa portuaria e o embarque e desembarque de pasaxeiros, e a súa situación, moi próxima ao centro urbano, favorece que os visitantes coñezan os atractivos da cidade.

O peirao-pantalán da dársena 2 acolle desde o comezo desta tempada o atraque de catamaráns turísticos no marco da iniciativa Cruceiros Costeiros de Galicia, promovida por Turismo de Galicia e Portos de Galicia, e na cal a Asociación Galega de Actividades Náuticas Agan+ desenvolveu diversos itinerarios dentro do proxecto Ecodestin 3_IN, financiado mediante Fondos FEDER co obxectivo de converter a Galicia en destino náutico de excelencia internacional, sendo o propósito de Vilagarcía ser referente neste ámbito, na Ría de Arousa. O produto turístico Cruceiros Costeiros de Galicia, que se comercializa a través de 8.500 axencias de toda España, consiste nunha travesía polas Rías de Arousa, Pontevedra e Vigo de ata seis días de duración, con visitas aos principais atractivos turísticos da zona.

A proposta inclúe excursións en terra a espazos naturais, museos, cascos históricos, etc., realizándose os desprazamentos entre os diferentes destinos en barco (e adicionalmente, en autocar), e pernoctando en hoteis. Desde o comezo da tempada producíronse seis escalas, estando previstas outras seis nas próximas semanas e ata o mes de outubro, o que supón unha cifra global de 500 pasaxeiros, aproximadamente.

A Autoridade Portuaria de Vilagarcía tamén está adscrita ao programa "Descubrindo as rías", que ten como obxectivo dar a coñecer as localidades costeiras galegas, con énfase nos aspectos patrimoniais, por medio de itinerarios náutico-culturais dun día de duración. A proposta oriéntase fundamentalmente cara a un público local e rexional, e especialmente a colectivos como asociacións de maiores de 55 anos, e asociacións de mulleres. No marco deste programa está prevista ata a data unha excursión con orixe e chegada no Porto de Vilagarcía, que se realizará este mes de agosto.

O peirao-pantalán da dársena 2 foi unha das obras de dotación de infraestrutura portuaria acometidas o pasado ano. Un investimento de aproximadamente 335.000 euros, parcialmente financiados con cargo ao Fondo de Compensación Interportuario, permitiu a demolición parcial do dique de abrigo da dársena 2, no seu tramo final, e a creación no seu lugar dun peirao-pantalán.

Esta actuación serviu para diversificar as infraestruturas portuarias e ampliar a oferta existente na nosa contorna para a acolleita de viaxes colectivas ou chárters náuticos. Estas travesías de curta duración (viaxes organizadas en veleiro, catamarán, etc.), están adquirindo unha crecente importancia como alternativa turística, polo que a Autoridade Portuaria abordou a conveniencia de dotarse dunha instalación específica da súa titularidade para o amarre de embarcacións turísticas.

 

Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies Puede obtener más información, o bien conocer cómo cambiar la configuración, en nuestra política de privacidad.

Acepto las cookies.