facebook

 

 twitter

 

 youtube

 

 linkedin

   
Domingo, 26-Maio-2019
Español (spanish formal Internacional)Galician (Galego)English (United Kingdom)
Mapa web
Vilagarcia recibe hoxe a escala do cruceiro "Nautica", con máis de 650 pasaxeiros e case 400 tripulantes
Xoves, 04 Outubro 2018 14:07
AddThis Social Bookmark Button

crucero nautica 2Durante a xornada de hoxe está facendo escala no porto de Vilagarcía o cruceiro “Nautica”, da naviera Oceania Cruises. A bordo deste buque, con bandeira das Illas Marshall, viaxan 652 pasaxeiros, gran parte deles de nacionalidade estadounidense, e 394 tripulantes.

 

O buque arribou a Vilagarcía ao filo das sete da mañá e a súa saída está prevista para as cinco da tarde. A escala do “Nautica” en Vilagarcía está consignada pola empresa PJ Carrasco.

 

O “Nautica” arribou a Vilagarcía procedente de Bilbao e efectuará a súa saída esta tarde, con destino ao porto de Lisboa. Trátase dun barco con 181 metros de eslora e case seis de calado, o maior dos programados para esta tempada no Porto de Vilagarcía. O buque atópase atracado no peirao de Comboa, seleccionado para esta escala debido a que a eslora do buque non permite o seu atraque no Ramal, o peirao que a Autoridade Portuaria ten designado como atraque preferente para os cruceros.

 

A escala deste crucero coincidiu coa visita que esta mañá realizaron á Autoridade Portuaria un grupo de medio centenar de estudantes franceses, que están pasando uns días de intercambio en varios centros de ensino secundario do municipio. Logo de asistir a unha presentación sobre o Porto de Vilagarcía, os mozos realizaron un percorrido en autocar polos diferentes peiraos, o que lles permitiu coñecer de primeira man a actividade que se desenvolve nas instalacións xestionadas pola Autoridade Portuaria de Vilagarcía.

 

Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies Puede obtener más información, o bien conocer cómo cambiar la configuración, en nuestra política de privacidad.

Acepto las cookies.