facebook

 

 twitter

 

 youtube

 

 linkedin

   
Xoves, 16-Xullo-2020
Español (spanish formal Internacional)Galician (Galego)English (United Kingdom)
Mapa web
O Porto de Vilagarcía rexistra o mellor balance de tráficos da súa historia, cun incremento do 8,9% con relación ao ano anterior
Luns, 27 Xaneiro 2020 13:21
AddThis Social Bookmark Button

estadsticas vilagarcaA Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercancías. O total de toneladas movidas superou os 1,3 millóns, cun incremento do 8,93% con relación ao ano anterior.

Estas excelentes cifras susténtanse en subidas superiores ao 7% en todas as categorías de tráficos portuarios. O maior incremento á conclusión do exercicio correspondeu ao apartado de mercancía xeral, que subiu un 10,37% con relación a 2018, sumando 652.902 toneladas. A categoría de graneis líquidos experimentou a segunda maior alza, un 8,79%, alcanzando un total de 182.563 toneladas, mentres que as 479.972 toneladas movidas na categoría de graneis sólidos representan un incremento do 7,09% con relación ao ano anterior. O total de toneladas movidas polo porto foi de 1.315.437, fronte a 1.207.750 toneladas do ano 2018. Este é o terceiro récord consecutivo de tráficos portuarios no porto de Vilagarcía, tralos rexistrados en 2017 e 2018.

A presidenta da Autoridade Portuaria, Sagrario Franco, valorou moi positivamente estes resultados, “non só porque o incremento de tráficos reforza a posición do porto de Vilagarcía no conxunto do sistema portuario nacional, senón tamén e principalmente porque as cifras poñen de manifesto o importante papel que a Autoridade Portuaria e toda a comunidade portuaria desempeñan para a competitividade e proxección exterior das empresas da nosa área de influencia, contribuíndo así á xeración de riqueza e emprego”.

Franco Malvar engadiu que “a nosa posición xeográfica, comunicacións, infraestructuras e servizos, entre os que debemos destacar o desenvolvemento da intermodalidade marítimo-ferroviaria, xunto co compromiso e iniciativa do persoal da Autoridade Portuaria e os operadores portuarios, son algunhas das nosas principais fortalezas á hora de atraer ou consolidar tráficos portuarios”.

A presidenta do porto arousano sinalou que “para esta Autoridade Portuaria é unha prioridade estar preparados para atender de xeito áxil, eficiente e sustentable as necesidades dos sectores produtivo e loxístico do noso hinterland, e iso supón non só planificar, mellorar ou ampliar infraestructuras e instalacións cando así se considera preciso, senón tamén orientar o noso labor do día a día á plena satisfacción dos nosos clientes en todos os nosos procedementos, mediante unha cultura corporativa enfocada cara á calidade integral, a mellora continua, a proactividade, e a atención personalizada ás necesidades dos nosos usuarios”.

Iso é clave para o cumprimento da misión da Autoridade Portuaria de Vilagarcía, definida no seu Plan Estratéxico como “converter á comunidade portuaria de Vilagarcía de Arousa no referente loxístico da conectividade exterior e desenvolvemento socioeconómico do seu hinterland en expansión, así como un axente crave no tráfico marítimo do noroeste peninsular”.

Para alcanzar esta meta, a presidenta do porto arousano reivindica a importancia de “garantir unha óptima conectividade para os portos do noroeste a través do Corredor Atlántico ferroviario”, recordando que “estes corredores constitúen unha ferramenta fundamental para facilitar o acceso aos principais mercados europeos, sen esquecer a súa relevancia para lograr unha adecuada cohesión territorial”.

Distribución de tráficos portuarios

Na estatística de 2019, as cifras poñen de manifesto a importancia da mercancía xeral no reparto de tráficos do porto arousán: practicamente a metade de todos os tráficos de 2019 estiveron encadrados nesta categoría, mentres que los graneis sólidos supuxeron o 36,5% das toneladas movidas e os graneis líquidos, un 13,9%.

Por produtos, destacan os excelentes datos da terminal de contenedores da empresa Boluda, a través da cal movéronse un total de 41.257 TEUs, fronte aos 35.039 TEUs do ano anterior (+17,75%). O movemento de contenedores supón xa máis da metade de todos os tráficos de mercancía xeral no porto de Vilagarcía, sumando en 2019 un total de 340.989 toneladas. A continuación por volume de tráficos, na categoría de mercancía xeral situáronse taboleiro e aluminio, con 143.749 t e 143.647 t, respectivamente.

No apartado de graneis sólidos, é moi reseñable o incremento no movemento de cereales e os seus harinas, que sumou 211.769 toneladas, fronte ás 162.611 toneladas do exercicio anterior, o que supón un aumento do 30%. O cuarzo, con 93.478 toneladas movidas, e a urea, con 84.450 t, ocupan a segunda e terceira posición nesta categoría por volume de tráficos.

Nos graneis líquidos, o aceite pechou o exercicio cun novo máximo anual: as 91.467 toneladas movidas en 2019 supoñen unha subida do 10,6% con relación ao ano anterior. En segundo e terceiro lugar nesta categoría están o metanol, con 67.797 toneladas, e a parafina, que aportou 15.770 toneladas ao balance de tráficos portuarios.

En canto á comparación coas cifras do sistema portuario estatal, ata a pechadura de novembro -último mes do que se dispoñen de datos globais- Vilagarcía foi o porto con cuarto maior incremento porcentual de tráficos de todo o sistema, por detrás de Málaga, Santander e Cádiz; o porto arousano incrementou os seus tráficos por encima da media tanto na categoría de graneis sólidos como de mercancía xeral.

Vilagarcía foi ademais a única das 28 autoridades portuarias que compoñen o sistema portuario estatal que experimentou nos 11 primeiros meses do ano un incremento dos seus tráficos nas tres categorías de tráficos portuarios.

 

Comparativa tráficos 2010-2019

O crecemento da mercancía general é un dos factores que posibilitou en maior medida o notable incremento dos tráficos do porto de Vilagarcía ma última década. Dende o ano 2010, o número de toneladas movidas nesta categoría multiplicouse por cinco, ao pasar de 130.915 t nese año ás 652.899 t do pasado exercicio. No mesmo periodo o incremento no global de tráficos portuarios foi do 80%.

Puerto de Vilagarcía, 25 de xaneiro de 2020.

 

Las cookies nos permiten ofrecer nuestros servicios. Al utilizar nuestros servicios, aceptas el uso que hacemos de las cookies Puede obtener más información, o bien conocer cómo cambiar la configuración, en nuestra política de privacidad.

Acepto las cookies.