facebook

 

 twitter

 

 youtube

 

 linkedin

   
Domingo, 19-Novembro-2017
Español (spanish formal Internacional)Galician (Galego)English (United Kingdom)
Mapa web
AddThis Social Bookmark Button

 

Ano 2016

O porto de Vilagarcía pechou o ano 2016 con máis de 1,1 millóns de toneladas de mercancía movida e un incremento dos seus tráficos do 7,9% con relación ao ano anterior. Por categorías, o maior volume de tráfico corresponde á mercancía xeral, da que se contabilizan aproximadamente 600.000 toneladas. Esta cifra supón un notable incremento con relación ao anterior máximo anual de tráficos de mercancía xeral no porto de Vilagarcía, establecido en 2014 con 534.000 toneladas.

Para alcanzar este resultado récord de 601.069 toneladas de mercancía xeral nun ano foron claves os incrementos en dúas categorías que superan sobradamente os seus anteriores máximos anuais: o aluminio (unhas 130.000 toneladas, +25% con respecto a 2015) e o taboleiro (170.000 toneladas, +23% en comparación co pasado ano). Tamén é reseñable a consolidación da mercancía contenerizada movida a través da liña regular operada pola compañía Boluda, e que enlaza Vilagarcía con Lisboa, as Illas Canarias e Bilbao. Esta liña rexistrou un movemento acumulado no ano de 32.313 TEUs (+5,7% con relación ao pasado ano). En conxunto, o incremento porcentual de tráficos de mercancía xeral con relación ao pasado ano é de case o 14,1%.

Na categoría de graneis líquidos, se revirten os malos resultados de 2015 e prácticamente se duplican as cifras dese exercicio. Neste apartado, destaca a consolidación do aceite para consumo humano, un produto introducido a finais de 2015 e que neste primeiro exercicio, achégase ás 63.000 toneladas de mercancía movida, grazas á periódica descarga de barcos no centro logístico co que a aceitera galega Aceites Abril conta no porto de Vilagarcía. O total de tráficos nesta categoría de graneis líquidos ascende neste exercicio a 184.161 toneladas.

Na categoría de graneis sólidos, ao remate do exercicio logrouse compensar en grande medida a importante caída de tráficos experimentada desde comezos deste ano. Finalmente, a redución de tráficos foi do 20,6%%, debido sobre todo ao menor movemento de cereais e as súas fariñas, dos que se contabilizan case 100.000 toneladas menos que o ano anterior (142.617 toneladas en 2016 e 241.381 toneladas en 2015).

Tamén están lixeiramente por baixo dos seus rexistros de 2015 os restantes produtos incluídos nesta categoría, coa excepción daqueles agrupados baixo o epígrafe outros graneis sólidos, que soben 28.000 toneladas e superan as 35.000 toneladas no exercicio. O total de tráficos nesta categoría foi de 320.553 toneladas

O tráfico acumulado das tres categorías (graneis sólidos, graneis líquidos e mercancía xeral) foi de 1.105.782 toneladas, o que supón un incremento de máis de 80.000 toneladas con respecto a 2015. Este é o mellor resultado de tráficos portuarios desde 2008, e sitúanos a menos de 100.000 toneladas do mellor rexistro histórico de tráficos anuais no porto, establecido no ano 2006.

 

 Evolución del tráfico total

Tráfico 2011 por tipo de mercancía

 

Mercancías 2015 2016 Variación % Variación Tm
  Mercancía xeral 526.563 601.069 14,14 74.506
 Graneis sólidos 403.439 320.553 -20,55 -82.886
 Graneis líquidos 94.855 184.160 94,15 89.305
 Total 1.024.857 
1.105.782 
7,89
80.925