O porto recibe a escala do “Hebridean Sky”, o primeiro dos dous cruceiros previstos para setembro
A bordo do buque, pertencente á navieira Noble Caledonia, viaxan 84 pasaxeiros –na súa meirande parte, de nacionalidade británica- e 71 tripulantes
O “Hebridean Sky” é un buque de 90 metros de eslora e bandeira de Bahamas. A súa chegada a Vilagarcía produciuse pouco despois das nove da mañá, , procedente da Coruña, mentres que a súa saída está programada ás 21.00 horas, con destino Leixoes. A súa escala no porto de Vilagarcía está consignada por García Reboredo Hnos.
Coa escala do “Hebridean Sky” o porto arousán retoma a actividade de cruceiros nesta segunda metade da tempada 2022, que comezou en maio coa chegada dos buques “Amadea” e “Sexa Cloud Spirit”. Para o mes de outubro están programadas outras dúas escalas.
O peirao de atracada para o “Hebridean Sky” será Ferrazo Norte. Para facer máis agradable a estancia en Vilagarcía, a Autoridade Portuaria puxo ao dispor dos visitantes un servizo lanzadeira gratuíto entre o peirao e centro urbano, prestado polo tren turístico. Tamén se instalou a pé de peirao un punto de atención ao visitante atendido por persoal da Autoridade Portuaria.
O presidente da Autoridade Portuaria, José Manuel Cores Tourís, sinala que “a promoción do porto de Vilagarcía como escala para cruceiros de pequeno e mediano tamaño é un dos piares do noso labor comercial, polos beneficios que a chegada destes buques ten para a hostalería e o comercio de Vilagarcía e o resto da comarca e tamén pola súa importancia para a desestacionalización do turismo en Arousa”.
Porto de Vilagarcía, 7 de setembro de 2022.
A Autoridade Portuaria avalía o estado do firme en Rivero de Aguilar e Valle-Inclán, como paso previo á súa pavimentación
A Autoridade Portuaria realizará esta semana unha serie de catas nos viais de titularidade portuaria Rivero de Aguilar e Valle-Inclán a fin de avaliar o estado do paquete de firme.
A Autoridade Portuaria incrementa os seus tráficos en abril con respecto ao mesmo mes do pasado ano
Dixitalización, apoio e coordinación coa comunidade portuaria e adaptabilidade son os tres eixos sobres os que ha pivotado a actuación da Autoridade Portuaria de Vilagarcía ao longo das últimas semanas marcadas polo COVID-19.
A Autoridade Portuaria de Vilagarcía impulsa unha mostra fotográfica virtual e colaborativa como homenaxe ante a crise do COVID-19
Recoller e compartir as experiencias cidadás en relación coa crise sanitaria do COVID-19 é o obxectivo que se expón a Autoridade Portuaria de Vilagarcía coa organización de “Contra vento e marea".