O porto recibiou a visita do Sirena, segundo cruceiro desta tempada
Arribou a Vilagarcía ás sete da mañá e zarpou pouco despois das catro. A bordo viaxan 651 pasaxeiros e case 400 tripulantes
O porto de Vilagarcía recibiu hoxe ao segundo dos seis cruceiros previstos para esta tempada. Trátase do Sirena, un buque da navieira Oceania Cruises que arribou a Vilagarcía ás sete da mañá e realizou a súa saída pouco despois das catro da tarde.
O Sirena é un cruceiro de 181 metros de eslora e o seu peirao de atracada durante a súa escala en Vilagarcía foi o de Ferrazo Norte. A bordo do buque viaxan máis de 650 pasaxeiros, aos que hai que sumar case 400 tripulantes. O buque arribou a Vilagarcía procedente de Leixoes e o seu seguinte porto de escala será o de Xixón.
Dado que a de hoxe foi a primeira escala do Sirena en Vilagarcía, ás 11.15 h tivo lugar un acto de intercambio de metopas entre o capitán do buque e o presidente da Autoridade Portuaria, José Manuel Cores Tourís, no que tamén participou un representante da consignataria do buque, P&J Carrasco.
Para facer máis agradable a súa estancia en Vilagarcía, a Autoridade Portuaria puxo ao dispor dos visitantes un servizo lanzadeira entre o peirao e o centro urbano e habilitou unha parada de taxis provisional a pé de peirao. Tamén se instalou a pé de peirao un punto de atención ao visitante atendido por persoal da propia Autoridade Portuaria, a fin de ofrecer á viaxeiros información sobre os atractivos do destino.
Porto de Vilagarcía, 26 de abril de 2023.
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.