Presidente de Autoridade Portuaria e alcalde asinan a compravenda da parcela da antiga Comandancia
Tourís apuntou que a Autoridade Portuaria está disposta a seguir colaborando con iniciativas e proxectos que redunden en beneficio de Vilagarcía e os vilagarciáns
Desde esta mañá, a parcela da antiga Comandancia de Mariña de Vilagarcía deixou de ser titularidade da Autoridade Portuaria de Vilagarcía para pasar a ser propiedade do Concello. Os representantes de ambas as institucións asinaron hoxe a compravenda da parcela, que acollerá o futuro centro de saúde de Vilagarcía.
O Consello de Administración da Autoridade Portuaria dera este mesmo mércores o último paso na tramitación para posibilitar a venda da parcela á administración local. O procedemento completouse en pouco máis dun ano, segundo destacaron presidente e alcalde na rolda de prensa que ofreceron con posterioridade a esta firma. A parcela, dunha superficie de máis de 4.500 metros cadrados, foi adquirida polo Concello de Vilagarcía por un prezo de 1.157.406,76 €.
O presidente da Autoridade Portuaria, José Manuel Cores Tourís, lembrou que a orixe desta operación é un acordo a tres bandas entre Concello, Autoridade Portuaria e a Consellería de Sanidade, xa que a parcela, unha vez demolida a antiga Comandancia por parte do Concello, será cedida á administración autonómica para a construción do novo centro de saúde.
Tourís sinalou que o feito da que Xunta de Galicia proxectase a realización dun importante investimento en Vilagarcía para a dotación deste equipamento sanitario serviu de aliciente para as dúas administracións esforzásense en chegar a un acordo satisfactorio para ambas as partes, a fin de poder facilitar á Consellería de Sanidade uns terreos adecuados para este fin.
Pola súa banda o alcalde de Vilagarcía, Alberto Varela, apuntou que a parcela é “idónea” para a construción dun centro de saúde e lembrou que a opción da súa adquisición é menos gravosa para as arcas municipais que a da concesión, que foi a fórmula pola que inicialmente se posibilitou -como solución transitoria- que eses terreos puidesen ser xestionados polo Concello de Vilagarcía. Igualmente, Varela apuntou ao “bo entendemento” entre o Concello de Vilagarcía e a Autoridade Portuaria como un das claves deste acordo, cuxa materialización se produciu nun prazo inferior ao inicialmente estimado.
Porto de Vilagarcía, 30 de decembro de 2022
O porto recibe por vez primera ao “World Voyager”
Por tratarse da súa primeira escala en Vilagarcía, realizouse un intercambio de metopas entre o capitán e o presidente da Autoridade Portuaria
O porto de Vilagarcía recibe hoxe ao cruceiro “Island Sky”
O buque atracou no peirao de Ferrazo ás 14.30 horas procedente de Ponta Delgada, e partirá ás 19.00 horas con destino A Coruña
A Autoridade Portuaria acolle a presentación do campionato provincial de bateis, que se disputará esta fin de semana en Vilaxoán
O club anfitrión compite con cinco tripulacións. Agárdase a participación de aproximadamente 600 deportistas de toda a provincia