El puerto de Vilaxoán acoge este domingo la decimosexta edición de la bandera de bateles Porto de Vilagarcía
A proba, na que participarán uns 500 deportistas, foi presentada esta mañá nas instalacións da Autoridade Portuaria de Vilagarcía
![](/sites/default/files/styles/slider_noticias_1000x550/public/2024-03/Foto%20bandera%202024.jpg?itok=-g9_cnTZ)
Este domingo, en augas de porto de Vilaxoán, disputarase a decimo sexta edición da bandeira de bateis “Porto de Vilagarcía”. A partir das 11 da mañá aproximadamente 00 tripulacións de toda a provincia competirán nun total de 12 categorías -alevín, infantil, cadete, xuvenil, sub23 e absoluto, tanto en modalidade masculina como feminina- co obxectivo de alzarse coa vitoria nesta proba.
A bandeira de bateis “Porto de Vilagarcía” foi presentada esta mañá nun acto celebrado na Autoridade Portuaria. A directora da Autoridade Portuaria, Begoña Mesejo, destacou que “estamos encantados de colaborar con eventos relacionados co deporte e o mar”, e desexou os maiores éxitos á organización no desenvolvemento dunha proba xa veterana e que está incluída na liga galega de bateis. En total serán once os clubes da provincia que disputarán esta proba.
Rogelio Tarrío, presidente do Club de Remo Vilaxoán -que organiza o evento-, agradeceu a colaboración da Autoridade Portuaria coa entidade en todo momento e desde hai moitos anos, e destacou que serán aproximadamente uns 500 deportistas os que se desprazarán a Vilagarcía para competir nesta proba. Tarrío explicou que o campo de regatas constará de 4 rúas de 500 metros de lonxitude, e a súa situación será como todos os anos na contorna do peirao de Vilaxoán. O presidente do Club de Remo tamén tivo palabras de agradecemento para o concello pola súa colaboración para a celebración desta proba, engadindo que as previsións de vento non son as óptimas para a disputa da bandeira, nun ano en que as meteoroloxía adversa xa obrigou a suspender varias das probas desta especialidade en Galicia.
Pola súa banda o concelleiro de Deportes do Concello de Vilagarcía, Carlos Coira, tamén tivo palabras de agradecemento para o Club de Remo Vilaxoán polo seu traballo, e celebrou a colaboración entre administracións –Porto e Concello- para facilitar a disputa desta bandeira de bateis “Porto de Vilagarcía” que alcanza este ano a súa edición número 16.
Porto de Vilagarcía, 22 de marzo de 2024.
![](/sites/default/files/styles/imagen_600x400/public/2024-06/MUELLES%20VILAGARC%C3%8DA.jpg?itok=6FHF3hJ-)
A Autoridade Portuaria de Vilagarcía renova as súas certificacións ISO de xestión de calidade, ambiental, e seguridade e saúde no traballo
As certificacións estarán vixentes ata 2027, debéndose superar unha auditoría anual de seguimento para o seu mantemento.
![El ejercicio se desarrolló en la sala de conferencias de la Autoridad Portuaria](/sites/default/files/styles/imagen_600x400/public/2024-05/iramar.jpg?itok=YAma4YVz)
A Autoridade Portuaria acolle un simulacro de loita contra a contaminación mariña
O exercicio non implicou o despregamento de medios. A súa finalidade é testar a coordinación e capacidade de resposta ante un incidente na mar
![](/sites/default/files/styles/imagen_600x400/public/2024-05/escana%20national%20geographic.jpg?itok=j-uhWGu5)
O porto de Vilagarcía recibe hoxe ao primeiro dos dous cruceiros previstos para esta fin de semana
Desde primeira hora da mañá está atracado en Ferrazo Norte o National Geographic Explorer. O domingo espérase ao Island Sky
Pagination
- Page 1
- Páxina Seguinte