O presidente da Autoridade Portuaria reúnese co seu homólogo do Real Club de Regatas Galicia
Cores Tourís entregou a Fernando Remírez de Esparza Elías de Molins unha metopa como homenaxe polo 120 aniversario da institución O presidente da Autoridade Portuaria de Vilagarcía, José Manuel Cores Tourís, reuniuse esta semana co presidente do Real Club
O presidente da Autoridade Portuaria de Vilagarcía, José Manuel Cores Tourís, reuniuse esta semana co presidente do Real Club de Regatas Galicia, Fernando Remírez de Esparza Elías de Molins, nas dependencias da Autoridade Portuaria. Durante o encontro, o presidente da Autoridade Portuaria expuxo ao presidente do Real Club de Regatas Galicia as iniciativas que este organismo ten previsto desenvolver para a mellora de espazos orientados á náutica deportiva e recreativa no porto, así como ao turismo náutico, dentro do seu proxecto para a posta en valor de áreas de interacción porto-cidade.
Cores Tourís destacou o compromiso da Autoridade Portuaria co crecemento e promoción da náutica deportiva na contorna física do porto de Vilagarcía, aproveitando as excelentes condicións naturais da Ría de Arousa para este deporte. Así, o presidente lembrou que a última sesión do Consello de Administración da Autoridade Portuaria acordouse a cesión ao Concello de Vilagarcía dunha nave na zona de Ou Cavadelo, con destino ao desenvolvemento de ensinos e actividades náuticas e deportivas por parte do Concello de Vilagarcía.
Tourís agradeceu o labor que o Club de Regatas realiza neste ámbito de promoción e difusión da vela, con actividades como a celebración da Regata San Roque de Snipe, da que este ano se disputou a edición número 54. Outro evento destacado organizado polo club é a Regata Almirante Rodríguez-Toubes, que celebrou este ano a súa edición número 26.
O presidente da Autoridade Portuaria tamén fixo entrega a Fernando Remirez de Esparza dunha metopa para felicitar ao Real Club de Regatas polo 120 aniversario da fundación da institución, o que lle converte no club náutico máis antigo de Galicia, e un dos máis antigos de España.
Porto de Vilagarcía, 2 de setembro de 2022.
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.