O presidente de Puertos del Estado inaugura en Vilagarcía as xornadas técnicas de Relacións Laborais e Recursos Humanos do sistema portuario estatal
A actividade, á que asisten 50 persoas en representación de 22 autoridades portuarias e Puertos del Estado, desenvólvese este xoves e venres
O presidente do organismo público Puertos del Estado, Álvaro Rodríguez Dapena, desprazouse ata Vilagarcía de Arousa para tomar parte, xunto ao presidente da Autoridade Portuaria de Vilagarcía, José Manuel Cores Tourís, na inauguración das XV Xornadas Técnicas de Relacións Laborais e Recursos Humanos do sistema portuario estatal, que se desenvolverán entre hoxe e mañá nesta localidade.
Trátase da primeira ocasión na que a Autoridade Portuaria de Vilagarcía acolle unhas xornadas técnicas para traballadores das Autoridades Portuarias e Puertos del Estado. Ata Vilagarcía desprazáronse medio centenar de persoas, representantes de 22 Autoridades Portuarias e de Puertos del Estado, para asistir durante dous días a relatorios, mesas redondas, presentacións e sesións formativas en materia de xestión de recursos humanos e relacións laborais.
A ocasión é especialmente importante tendo en conta a recente aprobación do Marco Estratéxico do sistema portuario, o cal ten na ampliación e mellora continua do capital humano unha das súas liñas estratéxicas. O impacto deste documento no ámbito dos recursos humanos foi abordado esta mañá polo propio presidente de Puertos del Estado nun relatorio tras a inauguración do evento. Na súa intervención, Rodríguez Dapena destacou a importancia do capital humano dos portos, sen o cal sería imposible alcanzar as metas que nos propuxemos, engadindo que o persoal do sistema portuario atesoura unha experiencia e unha especialización imprescindibles para atender as necesidades da Comunidade Portuaria e, en definitiva, cumprir a nosa función ao servizo de toda a sociedade.
No seu discurso de apertura das xornadas, o presidente da Autoridade Portuaria de Vilagarcía, José Manuel Cores Tourís, destacou a importancia do porto na evolución histórica de Vilagarcía e a súa influencia dinamizadora sobre a actividade económica de todo a súa contorna. Finalmente, Tourís agradeceu a todas as Autoridades Portuarias e a Puertos del Estado a súa presenza nas xornadas, así como as achegas realizadas durante os debates que, sen dúbida, serán moi útiles para seguir avanzando na formación dos nosos profesionais.
Porto de Vilagarcía, 15 de decembro de 2022.
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.
Aceites Abril proxecta ampliar o seu centro loxístico no porto de Vilagarcía, aumentando a súa capacidade actual nun 75%
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.