Os cruceiros Bolette e Marina estrean a tempada de cruceiros cunha dobre escala no porto de Vilagarcía
A escala, que trouxo case 2.400 personas a Vilagarcía, supuxo a reactivación deste tráfico tras un parón de case dous anos debido á pandemia do COVID-19
O porto de Vilagarcía recibiu hoxe a primeira visita de cruceiros deste ano, co atractivo engadido de tratarse dunha dobre escala a cargo dos buques Marina e Bolette, que atracaron no peirao Comboa e peirao de Ferrazo Norte, respectivamente. En total, sumando pasaxe e tripulación, case 2.400 persoas arribaron ao noso municipio nesta dobre escala que supón a estrea da tempada.
O Bolette é un buque de bandeira bahameña e con 237 metros de eslora, pertencente á compañía Fred Olsen. A bordo do buque viaxan 480 cruceiristas, na súa maioría de nacionalidade británica. O buque arribou a Vilagarcía procedente de Motril e a súa seguinte escala será o porto de Dover. O seu peirao de atracada foi Ferrazo Norte. A súa escala en Vilagarcía está consignada por García Reboredo Hnos.
En canto ao Marina, atracou ás 10 da mañá no peirao de Comboa, procedente de Xixón. Os seus 477 pasaxeiros –maioritariamente, de nacionalidade estadounidense-, teñen a súa seguinte parada no porto de Leixoes. O buque, da compañía Oceania Cruises, ten bandeira das illas Marshall e 239 metros de eslora. A súa escala en Vilagarcía está consignada por PJ Carrasco.
Tanto no caso do Marina como do Bolette a de hoxe foi a súa primeira escala en Vilagarcía, ocasión que se conmemorou con senllos intercambios de metopas.
Parte dos cruceiristas realizaron nalgunha das excursións programadas para coñecer a comarca, Pontevedra ou Santiago de Compostela, entre outras opcións. Os restantes tiveron á súa disposición un servizo lanzadeira gratuíto para facilitar o seu desprazamento ao centro da cidade.
A pesar de que inicialmente estaba previsto que os dous buques permanecesen en Vilagarcía ata as oito da tarde, a duración das dúas escalas reduciuse debido ás previsión meteorolóxicas.
Porto de Vilagarcía, 2 de outubro de 2021.
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.