A Autoridade Portuaria acolle a presentación do campionato provincial de bateis, que se disputará esta fin de semana en Vilaxoán
O club anfitrión compite con cinco tripulacións. Agárdase a participación de aproximadamente 600 deportistas de toda a provincia
A Autoridade Portuaria de Vilagarcía acolleu esta mañá a presentación do campionato provincial de bateis que se disputará esta fin de semana en Vilaxoán. A directora da Autoridade Portuaria, Begoña Mesejo, exerceu de anfitrioa dun acto no que interviñeron Rogelio Tarrío, presidente do Club de Remo Vilaxoán, e tamén o concelleiro de Deportes do concello de Vilagarcía, Carlos Coira.
A proba disputarase este sábado, a partir das 10.30 horas (semifinais) e o domingo desde as 11 horas (final). Espérase a participación de todos os clubs da provincia (aproximadamente 600 deportistas). O total de categorías en disputa son 12: alevín, infantil, cadete. xuvenil, sub23 e absoluto, tanto en modalidade masculina como feminina, pasando á final os cinco primeiros de cada categoría. O club anfitrión e organizador terá representación en cinco categorías: alevín, infantil, cadete e absoluta masculina, e absoluta feminina. A previsión do Club de Remo Vilaxoán é que polo menos catro destas embarcacións consigan o seu pase á final, segundo indicou o presidente da entidade, Rogelio Tarrio, na rolda de prensa desta mañá.
Pola súa banda a directora da Autoridade Portuaria, Begoña Mesejo, destacou a longa colaboración que o porto mantén co Club de Remo Vilaxoán, a cal enlaza coa misión da Autoridade Portuaria e a súa responsabilidade social corporativa, na cal as actividades náutico-deportivas teñen gran protagonismo; e mencionou tamén o potencial de dinamización que ten un evento destas características, pola gran cantidade de persoas que se desprazan con motivo da súa celebración.
Nesa mesma idea incidiu o concelleiro de Deportes do Concello de Vilagarcía, Carlos Coira, quen agradeceu á federación e ao club de remo Vilaxoán a celebración do evento, antesala dunha Semana Santa na que se celebrará un importante número de eventos deportivos no municipio. Coira tamén destacou a aposta da Autoridade Portuaria pola promoción dos deportes náuticos.
Na rolda de prensa tamén se anunciou que a bandeira de bateis Porto Vilagarcía, que houbo que aprazar hai algunhas semanas debido a condicións meteorolóxicas adversas, disputarase finalmente o 21 de xuño.
Porto de Vilagarcía, 10 de abril de 2025
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.