Estudantes de Transporte e Loxística e de Comercio Internacional do Bouza Brey visitaron o porto de Vilagarcía
A pasada semana, a Autoridade Portuaria recibiu a un grupo de alumnos de primaria do CEIP Arealonga
Un grupo de aproximadamente 40 estudantes do Fermín Bouza Brey, alumnos dos ciclos superiores de Transporte e Loxística e de Comercio Internacional, acompañados por dúas profesoras, realizaron esta semana unha visita ao porto de Vilagarcía. A actividade serviu para que os estudantes coñecesen o funcionamento do porto desde unha perspectiva adaptada á súa formación académica.
A visita comezou cunha presentación na sala de conferencias da Autoridade Portuaria, na que se explicou brevemente o funcionamento do sistema portuario español, as infraestruturas e servizos do porto de Vilagarcía, os seus principais tráficos e o seu papel na loxística do tecido produtivo da nosa contorna. A continuación, o grupo realizou un percorrido polos peiraos do recinto portuario, en autocar, durante o cal puideron ver o desenvolvemento de diversas operativas portuarias así como as instalacións e equipamento coas que conta o porto para o desenvolvemento da súa actividade. A semana pasada foi un grupo de alumnos do colexio Arealonga de Vilagarcía os que realizaron unha visita similar ao porto arousán.
A realización de visitas didácticas ao porto é unha actividade que a Autoridade Portuaria de Vilagarcía leva a cabo para centros educativos e asociacións do municipio e a comarca, co obxectivo de mellorar o coñecemento sobre o porto de Vilagarcía e da súa importancia para a economía da comarca, como axente crave dos intercambios comerciais das empresas da área de influencia do porto, e como xerador de riqueza e emprego.
Porto de Vilagarcía, 11 de novembro de 2022
O Porto avanza no seu compromiso coa calidade, a seguridade e a sustentabilidade coa renovación das súas certificacións ISO
A Autoridade Portuaria de Vilagarcía renovou as súas certificacións ISO 9001 e ISO 14001, e conseguiu a nova ISO 45001, así como a verificación do seu inventario de emisións de pegada de carbono.
O presidente da Autoridade Portuaria e a presidenta do Consello Regulador do Mexillón de Galicia manteñen a súa primeira reunión
O presidente da Autoridade Portuaria de Vilagarcía, José Manuel Cores Tourís, mantivo este mércores un encontro coa presidenta do Consello Regulador da Denominación de Orixe Protexida Mexillón de Galicia, Lina Solla.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.
O Clúster da Función Loxística de Galicia mantivo recentemente unha reunión coa Autoridade Portuaria de Vilagarcía nas instalacións portuarias arousás.