LA Autoridade Portuaria de Vilagarcía renova a súa colaboración coa Fundación Galega contra o Narcotráfico
O presidente do Porto, José Manuel Cores Tourís, reuniuse esta mañá co presidente e o xerente da Fundación
O presidente da Autoridade Portuaria de Vilagarcía, José Manuel Cores Tourís, mantivo esta mañá unha reunión co presidente da Fundación Galega contra o Narcotráfico, Manuel Couceiro, e o xerente desta organización sen ánimo de lucro, Fernando Alonso.
Neste encontro, celebrado en dependencias da Autoridade Portuaria, os representantes da Fundación expuxeron ao presidente cales son os proxectos nos que traballa actualmente este organismo, as súas actividades e os seus retos de futuro. A Fundación actúa tanto no ámbito da loita contra o narcotráfico como na prevención do consumo mediante actividades relacionadas co deporte e a cultura: así, a FGCN organiza a exposición Saudarte para a promoción de hábitos de vida saudable mediante a expresión artística; e desenvolve actividades deportivas para mozos de 12 a 18 anos a través do programa EU Saúde. Outras iniciativas destacadas son a campaña Panos Brancos contra a Droga o a celebración de gala anual da Fundación Galega contra o Narcotráfico, coa entrega das Nécoras de Ouro, que recoñecen o labor de persoas e entidades especialmente destacadas no ámbito das drogodependencias e a loita contra o narcotráfico. A Fundación desenvolve a súa actividade en toda Galicia, pero focaliza varias das súas propostas no ámbito xeográfico da Ría de Arousa, nas súas dúas marxes.
O presidente do porto arousán, José Manuel Cores Tourís, destacou a importancia do labor que desenvolve a Fundación para a prevención e sensibilización social fronte ao consumo e o tráfico de drogas, entre as que –ademais das xa mencionadas- cóntase a celebración de xornadas profesionais ou o teléfono antidroga. Para contribuír ao mellor cumprimento dos fins da FGNC, e considerando a súa importancia para toda a sociedade arousá, o presidente confirmou que a Autoridade Portuaria de Vilagarcía continuará apoiando á Fundación para facilitar o desenvolvemento dos seus proxectos e actividades, como vén facendo desde hai varios anos.
Porto de Vilagarcía, 29 de xuño de 2022.
Vilagarcía bate o seu récord anual de tráficos portuarios, con 1.377.631 toneladas de mercadoría a falta dun mes para que termine o exercicio
Tamén se superou o mellor rexistro histórico de movemento de mercadoría xeral. As previsións son rematar o exercicio rozando o 1,5 millóns de toneladas
Autoridade Portuaria e Concello asinan un convenio para a concesión da parcela da antiga Comandancia
O Concello abonará un canon anual pola ocupación dos terreos en tanto se realizan os trámites para a súa desafectación con destino á creación dun centro de saúde
O Porto inicia os trámites para a venda da parcela do Ramal e aproba un convenio co Concello para a antiga Comandancia
O obxectivo do convenio é permitir a construción dun novo centro de saúde mediante a cesión á Consellería de Sanidade, por parte do Concello, da antiga Comandancia