O Consello de Administración formaliza a adxudicación a Vilor Infraestructuras da terceira fase da obra do ferrocarril a Ferrazo
O porto establece en febreiro un novo récord mensual de tráfico portuario, con case 158.000 toneladas
O Consello de Administración da Autoridade Portuaria de Vilagarcía, reunido o 27 de febreiro en sesión ordinaria, formalizou a adxudicación á empresa Vilor Infraestruturas S.L. da obra ferrocarril a Ferrazo fase 3, por un importe de 1.346.375, ive non incluído. O pasado mes o Consello xa aceptara a proposta de adxudicación destes traballos á mencionada empresa realizada pola mesa de contratación, dando un prazo para a presentación de documentación requirida para a formalización do contrato, de acordo con o previsto no prego de cláusulas desta licitación. Unha vez recibida e comprobada esta documentación, produciuse a adxudicación por parte do Consello de Administración.
As obras, que contan con financiamento con cargo aos fondos MRR, permitirán habilitar un acceso ferroviario ao peirao de Ferrazo alternativo ao actualmente existente, evitando a ocupación do peirao de Comboa nas operativas do paso do tren cara a Ferrazo. A actuación busca a potenciación da intermodalidad marítimo-portuaria, un obxectivo ligado á promoción dunha mobilidade sostible, segura e conectada.
Por outra banda, o presidente tamén presentou no seu informe un balance de tráficos dos dous primeiros meses do ano. Con datos aínda provisionais, neste mes de febreiro alcanzamos as 157.882 toneladas de mercadoría, fronte ás 99.092 do mesmo mes do pasado exercicio. Con esta cifra, o porto establece un novo máximo mensual de tráficos portuarios, sendo especialmente reseñable que este feito se produce no mes máis curto do ano. O anterior récord mensual de movemento de mercadorías estableceuse en abril de 2023, con 157.701 toneladas.
No acumulado de xaneiro e febreiro, moveuse polos peiraos arousáns un 24,5% máis de mercadoría que no mesmo período de 2024. O total de mercadorías acumulado nestes dous meses ascende a 247.158 t.segundo os datos provisionais da Autoridade Portuaria, mentres que no mesmo período de 2024 esta cifra quedaba por baixo das 200.000 t.
Os tráficos subiron de maneira moi destacada na categoría de graneis líquidos, e tamén notablemente na de graneis sólidos, onde todos os produtos melloran os seus rexistros de 2024. No apartado de mercadoría xeral os dous primeiros meses do ano péchanse sen apenas variacións con relación ao mesmo período do pasado ano Globalmente considerados, os produtos encadrados nesta categoría seguen representando máis do 50% de toda a mercadoría cargada ou descargada nos peiraos arousáns.
Porto de Vilagarcía, 27 de febreiro de 2025.
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.