XV Bandeira de Bateis Porto de Vilagarcía celébrase este sábado en augas de Vilaxoán
O Club de Remo Vilaxoán, organizador da proba, prevé a participación dunhas 500 persoas nesta oitava proba do calendario de bateis
A Autoridade Portuaria de Vilagarcía acolleu esta mañá a presentación da bandeira de bateis “Porto de Vilagarcía”, que alcanza este ano a súa décimo quinta edición. A competición celebrarase este sábado, día 18 de marzo, desde as catro da tarde, en augas de Vilaxoán.
A bandeira de bateis “Porto de Vilagarcía”, constará de 12 regatas, nas categorías alevín, infantil, cadete, xuvenil, sub23 e absoluto, tanto en modalidade masculina como feminina. Os clubs que obteñan mellor resultado no cómputo global de cada modalidade recibirán as correspondentes bandeiras.
Rogelio Tarrío, presidente do Club de Remo Vilaxoán -que organiza o evento-, destacou que na proba competirán un total de 12 clubs da provincia de Pontevedra, o que sumando as diferentes categorías supón a participación dunhas 500 persoas, aproximadamente.
Tarrío agradeceu a colaboración tanto da Autoridade Portuaria como do Concello de Vilagarcía no desenvolvemento do evento, que está incluído no calendario de bateis como a oitava proba desta tempada.
O presidente da Autoridade Portuaria de Vilagarcía, José Manuel Cores Tourís, destacou que “nos enorgullecemos de que esta importante proba leve o nome do porto de Vilagarcía”, como parte do compromiso da Autoridade Portuaria co deporte basee e o deporte vinculado ao mar. Cores Tourís engadiu que esta faceta da Autoridade Portuaria enmárcase “no noso propósito de estar sempre á beira da cidade e da comarca, contribuíndo ao seu desenvolvemento non só económico senón tamén social”.
Pola súa banda o concelleiro José María González, que asistiu ao acto en representación do Concello de Vilagarcía, expresou a súa satisfacción porque “Vilagarcía sexa novamente escenario de probas en categoría basee e absoluta, despois dun ano sen competición” e manifestou a disposición da administración local para colaborar co club tanto no desenvolvemento deste evento como na súa actividade do día a día.
Porto de Vilagarcía, 16 de marzo de 2023.
Caylu obtén o III Premio Ría de Arousa de ideas empresariais no ámbito marítimo-portuario e loxístico
. O galardón, convocado pola asociación de Novos Empresarios AJE Pontevedra co apoio da Autoridade Portuaria de Vilagarcía, ten como obxectivo fomentar o emprendemento e a creación de emprego. SEntregáronse tamén tres accésits e un premio honorífico
Vilagarcía pecha o terceiro trimestre do ano con 1,1 millóns de toneladas de tráfico portuario e apunta a un final de ano en cifras récord
O porto de Vilagarcía contabiliza nos nove primeiros meses do ano un tráfico portuario de 1.109.291 toneladas, cifra que supera nun 28% os seus rexistros do mesmo período do pasado exercicio.
O cruceiro de luxo Crystal Endeavor, terceira escala dun crucero nesta tempada no porto de Vilagarcía
O Crystal Endeavor, un crucero de expedición de la navieira Crystal Cruises, está realizando hoxe unha escala en Vilagarcía. Trátase dla terceira escala de cruceiros no porto desta temporada, a cual se estreou o pasado sábado.