A Autoridade Portuaria de Vilagarcía puxo en marcha unha estratexia orientada á captación de cruceiros de pequeno e mediano tamaño, que poidan facer escala en Vilagarcía e utilizar o porto como punto de partida para que os cruceiristas coñezan tanto o municipio de Vilagarcía como o resto de localidades do Salnés e Santiago de Compostela.

A Autoridade Portuaria de Vilagarcía acaba de obter o certificado que acredita a compensación total das súas emisións directas como organización, conseguindo así a Pegada Cero Emisións.

A empresa galega CGN Certificación, especializada en sustentabilidade e pegada de carbono, foi a entidade certificadora da Autoridade Portuaria de Vilagarcía de Arousa para a verificación de emisións así como para a súa compensación.

A Autoridade Portuaria ten prevista a realización nas próximas semanas de diversas obras tanto en áreas abertas ao uso público como no interior do recinto portuario. A actuación máis destacada é o denominada “Proxecto para a urbanización e naturalización de praza na contorna Concha-Ramal”.

A Autoridade Portuaria de Vilagarcía aprobou o 26 de marzo, nunha sesión do Consello de Administración celebrada de maneira telemática, medidas económicas para apoiar a empresas asentadas en dominio público portuario que sufriron importantes repercusións pola crise do COVID.

Estas empresas, pertencentes a sectores como a restauración e actividades de lecer e tempo libre, viron notablemente reducida a súa actividade o pasado ano, como consecuencia da aplicación de medidas tales como peche temporal das súas instalacións ou horarios de apertura limitados.