O Porto recibe a visita de xubilados e de alumnos do ciclo de Transporte e Loxística, e do ciclo superior de Xestión de Vendas
As visitas permiten aos participantes coñecer o funcionamento do porto mediante unha presentación e un percorrido en autocar polo recinto portuario
A Autoridade Portuaria de Vilagarcía recibiu esta semana a visita de dous colectivos. Por unha banda, o mércores pola tarde desprazábase ata o porto arousán un grupo de xubilados vinculados pola súa pertenza ao sindicato UXT, integrado por 42 persoas.
O venres foi un grupo dunha trintena de alumnos do CIFP Fontecarmoa de Vilagarcía, que están a cursar o Ciclo de Transporte e Loxística ou ben o Ciclo Superior de Xestión de Vendas quen, acompañados de dous docentes, realizaron unha visita didáctica ao porto arousán.
A realización de visitas ao porto é unha actividade que a Autoridade Portuaria de Vilagarcía leva a cabo para centros educativos e asociacións da súa área de influencia, co obxectivo de mellorar o coñecemento sobre o porto de Vilagarcía e da súa importancia para a economía da comarca, como axente crave dos intercambios comerciais das empresas da área de influencia do porto, e como xerador de riqueza e emprego. O programa desenvólvese baixo o título “Bienvenido ao teu porto”, e a información sobre o mesmo está dispoñible na web da Autoridade Portuaria de Vilagarcía, no apartado Porto e Cidade.
As visitas comezan cunha presentación na sala de conferencias da Autoridade Portuaria, na que se explica brevemente o funcionamento do sistema portuario español, as infraestruturas e servizos do porto de Vilagarcía, os seus principais tráficos e o seu papel na loxística do tecido produtivo da nosa contorna. A continuación, o grupo realiza un percorrido polos peiraos do recinto portuario, en autocar, durante o cal poden ver o desenvolvemento de diversas operativas portuarias así como as instalacións e equipamento coas que conta o porto para o desenvolvemento da súa actividade. A actividade pode adaptarse na súa duración e contidos abordados ao perfil dos grupos participantes, que vai desde alumnos de primaria a universitarios, xubilados, e outro tipo de colectivos.
Porto de Vilagarcía, 28 de outubro de 2023.
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.
Aceites Abril proxecta ampliar o seu centro loxístico no porto de Vilagarcía, aumentando a súa capacidade actual nun 75%
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.