O presidente da Autoridade Portuaria de Vilagarcía, José Manuel Cores Tourís, mantivo esta mañá unha reunión co presidente da Fundación Galega contra o Narcotráfico, Manuel Couceiro, e o xerente desta organización sen ánimo de lucro, Fernando Alonso. 

O Porto de Vilagarcía recibirá desde mañá sábado e ata o luns a visita dun total de 20 embarcacións portuguesas que, desde o día 28 de maio, están a realizar o Caminho Marítimo de Santiago en Portugal. Esa iniciativa pretende recrear, desde a costa portuguesa, a viaxe que segundo a tradición trasladou os restos de Santiago Apóstolo desde Jaffa ata Compostela. A maior parte dos barcos amarrarán nas instalacións de Mariña Vilagarcía, mentres que os restantes utilizarán durante a súa escala en Vilagarcía o peirao-pantalán da dársena 2.

O Consello de Administración da Autoridade Portuaria de Vilagarcía, reunido hoxe en sesión ordinaria, aprobou a firma dun convenio coa Secretaría de Estado de Seguridade (Dirección Xeral da Garda Civil), cuxa finalidade é mellorar as instalacións coas que este organismo conta no interior do recinto portuario. 

A tramitación administrativa necesaria para a creación na parcela da antiga Comandancia de Mariña do novo centro de saúde de Vilagarcía está a se realizar con gran axilidade, mellorando as previsións das administracións implicadas. O presidente da Autoridade Portuaria, José Manuel Cores Tourís, e o alcalde de Vilagarcía, Alberto Varela, realizaron o 25 de abril unha comparecencia conxunta para informar tanto os avances logrados ata a data como dos próximos pasos a dar no proceso que levará á creación dun novo centro de saúde neses antigos terreos portuarios. 

O presidente de Portos do Estado, Álvaro Rodríguez Dapena, visitou hoxe a Autoridade Portuaria de Vilagarcía, onde acompañado polo presidente, José Manuel Cores Tourís, visitou as instalacións do porto e tivo ocasión de coñecer os proxectos de futuro desta entidade.

O Porto de Vilagarcía pechou o mellor mes de febreiro das dúas últimas décadas, superando as 127.000 toneladas de tráfico portuario neste mes. O porto de Vilagarcía non alcanzaba as 120.000 toneladas de tráfico portuario nun mes de febreiro desde o ano 2005. Esta marca foi claramente superada, xa que durante o pasado mes, o total de tráfico portuario no noso porto foi de 127.531 toneladas.

O Porto de Vilagarcía comeza o ano coa mesma tendencia coa que pechou o exercicio 2021: un destacado incremento de tráficos que se sostén en todas as categorías de tráficos portuarios, de acordo coas cifras provisionais da Autoridade Portuaria. 

O total de tráfico portuario no primeiro mes do ano ascendeu a 136.585 toneladas, o que supón un incremento do 40% con relación ao mesmo mes do pasado ano, no que o tráfico portuario acumulado foi de 97.145 toneladas. Esta subida susténtase de maneira solidaria nas tres categorías de tráficos portuarios. 

A Autoridade Portuaria de Vilagarcía acaba de pechar o exercicio 2021 cun récord histórico de tráficos portuarios. Estes alcanzaron a cifra de 1.511.356 toneladas, case 200.000 toneladas por encima do anterior récord, establecido en 2019. Desta maneira, cúmprense as excelentes expectativas para o peche do exercicio ás que viñan apuntando todas as cifras desde o comezo do ano. Cabe destacar que desde o pasado xaneiro viñéronse superando mensualmente todos os rexistros, tanto nos tráficos acumulados como no comparativa mes a mes, do ano 2020.

A Autoridade Portuaria de Vilagarcía acaba de superar unha auditoría para a verificación do seu inventario de emisións correspondentes ao ano 2020. Esta verificación externa incumbe non só á Autoridade Portuaria como organización, senón tamén ao conxunto de empresas asentadas no recinto portuario, xa que o cálculo refírese aos alcances 1, 2 e 3. 

A mencionada parcela era propiedade portuaria pero non pertencía ao dominio público portuario por ser desafectada por orde do 6 de outubro de 2015, do Ministerio de Fomento. Iso permitiu axilizar a venda destes terreos ao Concello de Vilagarcía, que se formalizou en só uns meses, cos informes favorables pertinentes doutros órganos da administración con competencia na materia.