A nao Victoria, réplica da embarcación protagonista da primeira volta ao mundo, pode visitarse en Vilagarcía dende hoxe e ata o martes
A escala, primeira que este buque realiza no porto arousáns, enmárcase na gran xira que está a realizar por distintos portos de España e Europa con motivo do V Centenario da Primeira Volta ao Mundo
Desde hoxe e ata o martes día 16 de agosto, a nao Vitoria, atracada no peirao pantalán da dársena 2, fronte ao parque do Centenario, permite a vilagarciáns e visitantes achegarse a unha das maiores xestas na historia da navegación, a expedición de Magallanes-Elcano.
A Fundación Nao Vitoria, responsable da xestión desta embarcación, posibilita durante a estancia do buque en Vilagarcía a realización de visitas por parte do público en xeral, cun prezo de cinco euros para adultos, tres euros para nenos de entre 5 e 10 anos, e trece euros para familias (dous adultos e ata tres nenos de entre 5 e 10 anos). Os tickets poden adquirirse no propio barco ou na web: tickets.naovictoria.org.
Durante a súa escala en porto, o público poderá subir a bordo do barco, percorrer as súas cubertas, descubrir a súa manobra e sistema de goberno e, por suposto, coñecer a historia da volta ao mundo da “Armada da Especiería”, unha expedición de cinco barcos e 243 tripulantes baixo o mando de Fernando de Magallanes -e trala morte deste, de Juan Sebastián Elcano-, a cal foi financiada pola coroa española co obxectivo de abrir un roteiro que, navegando cara ao oeste, conseguise alcanzar as illas das especias: as Molucas (na actual Indonesia). Como mostra da dureza desta travesía, cabe sinalar só una das cinco embarcacións que partiron de Sanlúcar de Barrameda o 20 de setembro de 1519 conseguiu completar este percorrido, arribando ao mesmo porto de Sanlúcar case tres anos despois e con 18 homes a bordo, sendo a protagonista desta fazaña precisamente a nao Vitoria.
Con ocasión da súa escala no porto de Vilagarcía, esta mañá tivo lugar un percorrido guiado polo buque o cal serviu como presentación para medios de comunicación e autoridades locais e que contou entre outros asistentes co responsable do departamento Comercial da Autoridade Portuaria, Alfonso González Gallego, o concelleiro de Turismo Álvaro Carou, e o capitán marítimo de Vilagarcía, Juan Andrés Pérez, os cales tiveron ocasión de descubrir, grazas ás explicacións do persoal do barco, o modo de vida de oficiais e tripulación, ademais de detalles técnicos da construción do esta fiel réplica da embarcación orixinal (realizada con motivo da Exposición Universal de Sevilla en 1992).
Porto de Vilagarcía, 12 de agosto de 2022
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.
Aceites Abril proxecta ampliar o seu centro loxístico no porto de Vilagarcía, aumentando a súa capacidade actual nun 75%
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.