Unhas cen tripulacións competirán na XVII edición da bandeira de bateis “Porto Vilagarcía”, que se disputa este sábado
A proba, organizada polo Club de Remo Vilaxoán, foi presentada esta mañá na sede da Autoridade Portuaria
Un total de 100 tripulacións e máis de 500 deportistas daranse cita este sábado a partir das catro da tarde para a disputa da bandeira de bateis “Porto Vilagarcía”, que este ano alcanza a súa edición número 17. A proba foi presentada esta mañá nun acto celebrado na sede da Autoridade Portuaria.
Os deportistas desprazados ata Vilaxoán competirán nun total de 12 categorías -alevín, infantil, cadete, xuvenil, sub23 e absoluto, tanto en modalidade masculina como feminina- co obxectivo de alzarse coa vitoria nesta proba.
O presidente da Autoridade Portuaria, José Manuel Cores Tourís, destacou na presentación o traballo do club anfitrión e organizador, o Club de Remo Vilaxoán, na promoción do deporte, especialmente en categorías inferiores, e reafirmou o compromiso da Autoridade Portuaria co fomento dos deportes náuticos na súa contorna máis inmediata, xa sexa o remo ou outras modalidades deportivas.
O acto contou coa presenza do concelleiro de Deportes do concello de Vilagarcía, Carlos Coira, quen tamén tivo palabras de agradecemento para o Club de Remo Vilaxoán polo labor que realizan no seu día a día e especialmente pola organización dunha proba que, adicionalmente ao seu interese deportivo, contribúe tamén á dinamización económica da vila.
Finalmente, o presidente do Club de Remo Vilaxoán, Rogelio Tarrio, agradeceu á Autoridade Portuaria os seus 17 anos de patrocinio da regata, e tamén a contribución do Concello e a Fundación de Deportes de Vilagarcía para facilitar o desenvolvemento deste evento.
Porto de Vilagarcía, 20 de marzo de 2025.
O Porto de Vilagarcía mantén a súa operatividade e implementa medidas de apoio á comunidade portuaria
O Porto de Vilagarcía mantén a súa operatividade ao servizo da cidadanía e de toda a sociedade. Os portos de Interese Xeral do Estado son infraestruturas estratéxicas garantes do funcionamento de servizos que se definen como esenciais.
O Porto de Vilagarcía rexistra en 2019 o mellor balance de tráficos da súa historia, cun incremento do 8,9% con relación ao ano anterior
A Autoridade Portuaria de Vilagarcía pechou o exercicio 2019 co mellor balance de tráficos da súa historia, establecendo un novo máximo anual de movemento de mercadorías.
Aceites Abril proxecta ampliar o seu centro loxístico no porto de Vilagarcía, aumentando a súa capacidade actual nun 75%
A empresa aceiteira galega Aceites Abril proxecta reforzar a súa presenza no porto de Vilagarcía a través dunha ampliación das súas actuais instalacións, nas que se sitúa un centro loxístico de recepción, almacenamento e distribución de aceite.